Monday, 21 April 2008
-
每次完 show，我都會同丈夫或朋友一起去玩玩，relax。今次就去咗珠海的海泉灣渡假村玩咗幾日，幾好玩，除浸温泉外，仲有水上單車，單車，好刺激但我唔敢玩嘅機動遊戲 (跳樓機嗰啲，我以前玩過一次，之後話過呢世唔敢再玩！！)，我倆浸温泉、周圍行、仲玩水上單車、單車、射箭、按摩 of course 啦！........
今次去旅行最慘就係，星期六走嗰日打風，船停航呀呀呀呀呀呀！迫逼住多日，仲要落大雨，周圍無得行、室外温泉無得浸，室内温泉又多人，就困在房中和在温泉休閑區又按摩同睇TV，又無碟煲，超悶！無段段要花多成千蚊租多晚酒店但無嘢玩！
海泉灣渡假村就好似好大好大嘅主題公園咁。仲有些美國 Florida feel，但食就唔太好味，一般來說(在大陸消費咁計)都算貴，一碗刀削麵要￥20，在大陸消費咁計，係咪貴先！？
昨晚同鄭國偉傾開，真懷念以前我哋一齊去御溫泉玩的渡假時光！！Now, 好難fit 到大家 schedule啦，各有各忙。昨晚鄭國偉叫我哋一齊暑假去旅行都大家撞期.......Actually，我最 miss是2004年的蘇梅島旅行，有我、余翰廷、鄭國偉、陳文剛、小強、Jenus、 Edmond、Sheila.....Time flies 呀.......等我揾返蘇梅島嘅相出嚟先。
酒店房設計唔錯，有五星級feel，浴室及睡房是一幅窗之隔！好玩！
我和廷星期六就齋睇雨景和超大風及大浪.....樹吹到鞠躬了，在相中見浪不太大，但現場feel超大風，我有啲驚會海潚！sound stupid 呀！不過我倆行一行出外，不到30i秒成身顯透透透透透透透透透，仲企唔穩添呀！第一次旅行滯留！What an experience 呀！
Tuesday, 15 April 2008
-
陳文剛&阿珊從日本買來送給我的「Gladys朱古力」！！佢個人真有心思
Monday, 14 April 2008
-
4月8日星期二，去看學生的Tartuffe演出，好高興，看見他們(無論是我教的那班及今年的畢業班)，無雜念去演出，亦演得投入，各人有不同情度的進步，身為他們的ex-老師，好安慰啊！！！！不過我讚完「雍正」做得好(圖中最左的那位化咗熊貓眼的男士)，佢劈頭第一句話：「老師，你個胸大咗喎！」死仔，想話我肥咗嘛！！我努力D，再有咗BB，仲肥吖！等我肥俾大家睇睇睇睇睇睇！！！
-
4月7日那天起牀，行出廳見到天氣非常sunny，像告知我 rainy days are gone，面對新的一頁吧！
(my view outside my home, I live on 22/F)
老實說，從一月尾大BB走了後，一直逼自己去唔喊，因為要排戲，但每場演出也逼自己用那些我想冰封的感情去演，真係好難受。每晚演出完也在後台黑處哭乾才見人，好難受。我記得入台前一天Mao Sir跟我說，演員就是要利用一切有關經驗去演戲，佢仲同我講黄秋生多年前患病令他肥到豬咁，接唔到戲拍，後偶機接到「野獸刑警」，肯拍就令他翻身.......其實當時我好想同Mao Sir講，秋生都係變肥仔，但係我係無咗個仔！！！但我明Mao Sir心意.....結果，我克服悲傷的我，樂觀的我走出嚟在黑盒劇場生活了三星期......好長的演期啊！！結果....我做到了，做到了演員最難行的一步，克服自己的感受後，明白身邊的經驗，用在演戲中。所以今次演出，可以話享受又唔享受，享受作為演員的發掘，唔享受作為人的不斷重複悲傷的感情。Closing 當晚的最後一場戲，出場前我和大BB說再見，媽媽唔可以再跟你談，我要走，你也要走！
(@ Final reh of 這裡加一點顏色,casts w/Mr Mao )
所以4月7日那天起牀，見到sunny day，像告知我 rainy days are gone，我知道也是大BB同我說：「媽媽，我走得寧靜！我會保護細佬妹的！」就這樣，我的 rainy days 完了，迎接sunny days吧！
在香港話劇團的日子........好多嘢想講，又唔想再講....I'm tired of thatt啦。有好時候也有不好時候。總括來說：好多是非，好多眼晴判斷著你.......但我認為在大公司是正常的，人事是頭號殺手吧。其實劇壇一樣，應說行行一樣，都係我講你不是，你講我不是，都係好多眼晴判斷著你。表面同你好friend，但背後講你乜乜東東........就是這樣了！所以我寧願在「桃花島」的小地方工作，少事非嘛，可以真真正正研究戲劇。至少，我可以選擇唔去聽人事是非，亦可選擇去講是非，但置身大劇團，願意不願意，你也要玩這種game！又或者係咁，啲人覺得廖淑芬好自我啦，因為我有時真係唔想聽一些「一件事萬七咁多versions」，唔想聽誰唔妥誰，好煩！我只想開開心心去創作我的藝術，多餘嘢，避得就避！
我祝福那些仍有「火」仍有「心」的演員，不要因想上位，就奉承别人或利用是非作為人情；而是利用努力、用實力作為成功的踏腳石！
Friday, 04 April 2008
Monday, 31 March 2008
-
完成<這裡加一點顏色>的第二個星期啦，是第14場，仲有7場to go。每一場都對我是一種治療。昨晚，幫我做流產手術的尹鎮偉醫生來看，(我沒叫他來看，亦沒告訴他我是演員)。尹醫生和他太太來看，完場時，阿廷見到他，跟他打招呼，他根來記不起26/1幫我做流產手術，只認得我和余翰廷是前赫墾坊演員，而且尹醫生來看只是他看開話劇團的戲.......世界真細小小小........在台上尹醫生認得我是誰，在台下我只是一位香港市民。
其實我一聽到尹醫生的名字，我心就有一種悲痛，是他發現BB有地中海貧血症，是他取走我的BB，當然我很明白要BB走是為他好，但一聽到尹醫生的名字，當天的悲不知從何而來？！..........奇怪地，今日下午場完show後，在HK Rep Common rm食食吓飯，傻想是否我的命運令BB不能活，哭起來。潘碧雲真像我家姐一樣(佢在<顏色>做我家姐)，佢玩緊電腦都關心地說「傻！食食吓飯走去喊！」佢真係sound like my big-sis, though I haven't any。我都覺得我好傻.....今晚完show在火車中哭了，丈夫聽到我的說話只有「我好掛住BB」.......
點傷都好，都是偶發性，可能是尹醫生，可能是天氣，好多可能.........但點都好，有丈夫在我身邊，我不怕，總有一天見 brighter dayssssssssssss
Monday, 24 March 2008
-
今天是第一個break，平時自己搞嘅show一個星期就完，HKRep的show就不同了，有三個星期的showtime！剛完成第一個星期，感受有趣，越來越認識話劇團的朋友.....傾到計會越傾越深.....仲喺facebook做埋朋友添......做戲交流到的會越交越順......當然，獨個兒的我鑽極也鑽不入......整體來說，I feel good！PM Johnny & DSM糖水(其實佢叫湯丸，但Day one我就叫錯佢個名，我唔改啦)，都係越傾越好傾，他們好真，看戲的comment有嗰句講嗰句。我鍾意呢D人！
昨日下午場，APA學生來看，我好miss他們。好高興他們來看，仲好有心的送了補品給我，好感動！！多謝他們，多謝阿潘、雍正、大茵、Bee、Raymond和他女友、Phoneix、陳嬌.....應該無漏!!
昨日晚上，去看＜家庭保衛隊＞，我只可說簡直是「德洲心理醫生」.......點解，在＜這裡加一點顏色＞中，我嘅角色Neil有呢句台詞：「我哋Texas嘅心理醫生全部都係 rubbish！」編劇、導演、設計、歌曲都嚇到你目瞪口呆
！你想想，一個muscial每首歌後無人肯拍手，但看來導演是導緊一個entertaining的muscial，但無人肯拍手，唯一拍手的竟是truck落電話亭！！！身為一個前線劇場工作者，我登他們醜！在muscial，獨白是最應唱出來，但林小寶在Act 2中的一段長台詞竟是講，不是唱！不知編劇和作曲搞咩！？我知他們時間不夠去準備＜家庭保衛隊＞，但我個人認為是最不可在香港話劇團發生，他們是全職的。「不夠時間」對「出面」面對風大雨大的我們也不可是借口，何況有比較好資源的香港話劇團！＜家＞最好的是projection的visual effects，但全upstage個戲，or I shoud say個戲support唔起D technical！！點解有些人永遠是「德洲心理醫生」.......
Sunday, 23 March 2008
-
今天是<這裡加一點顏色>的第四場，亦是林小寶來看的一場。過去幾場也聽到觀眾攞紙巾聲、完場看到觀眾感動地走。因為觀眾從演出及劇本也感受到生命的無常，人與人之間「可以修補但不去做」的關係，BB是一條寶貴小生命....。而我自己的朋友，除了以上的感受，還有對我和余翰廷的一份關心、一份動容。像前晚陳文剛完show到後台一見到我就擁抱著我哭，昨晚Ritchie和她兒子到後台與我擁抱後的一句「你好勇敢！」，到今天好友林小寶看完show到後台，我見到她已哭到眼晴通紅，我們默默擁抱，沒說話，只有流淚，流淚and流淚。再和丈夫三人擁抱。小寶靜靜的說「好快會有、好快會有.....」，我流淚and流淚。她離開後我想起她就流淚.....friendship就是這樣......盡在不言中.... support u whenever & wherever u need it！小寶也是劇場給我的一位致友！
其實我和余翰廷製作劇場工作室的戲，每次都是對生命有點感受，通過戲劇與别人分享。今次我和余翰廷經驗了失去BB的事，轉化成<這裡加一點顏色>。好多謝香港話劇團的朋友，他們用心演繹余翰廷的戲。
劇本最touch我的一句話：「每個人唔講嘢，但係好大聲；笑但係唔開心；喊但係無眼淚」
Friday, 21 March 2008
-
昨晚，<這裡加一點顏色>的第二晚。陳文剛來看，完show後和他相擁了多分鐘，哭、感動、友誼、大家沒說話，但明白內心的說話.....就算大家不在同一production，但也互相support，劇場給我一點燃燒生命的火，也給我朋友、也給我丈夫......
Tuesday, 11 March 2008
-
今晚10/3，看了APA「一粒沙」。做老師最大高興是看到學生進步，雖然我現沒教他們了，今晚看見大恩、Raymond的進步，我完場時感動、流淚。特别是大恩，她真的做到那個角色，做心去做戲，不單用 technique.....我好安慰....
看見其他我沒教過的學生，小龍、寸寸、邦(他真令我 surprise，進步最大)看他們幾次演出，「一粒沙」也進步，作為師姐也高興。導演也很好. I have an enjoyable night...
Friday, 29 February 2008
Thursday, 14 February 2008
Monday, 11 February 2008
-
年初一，照例回到阿廷屋企向奶奶老爺拜年，跟住回嫲嫲屋企同佢拜年，同嫲嫲和叔叔吃年初一飯。今年特別啲，細細佬浩文和他女友一起回來吃飯，好開心。今年大細佬仲文已結婚，照例應該和弟婦回來吃年初一飯，但因弟婦的外婆要返老家馬來西亞，所以細佬仲文和弟婦要回女家了，但是我和廷都可以趕上在嫲嫲屋企遇上他們，仲派利事給他倆。仲文還說：「我已婚，唔洗派俾我！」我說：「傻仔！我係你家姐就要派俾你。」我家就是有這習慣。所以年年我仲收到叔叔嬸嬸的利事。
今年最唔開心算是BB唔能夠陪我過年，但是我和廷都行過了最痛、最傷心的路，所以過年時也可以相對地歡樂。
好幾年沒收過媽媽利事.......爸爸就更加無收好耐啦.......萬事萬物都係講相對，每年媽媽不回她奶奶家(即係我嫲嫲屋企)拜年，團年又唔返，連電話拜年都無。每年是我回到嫲嫲屋企，打電話同媽媽拜年，佢先由我提出叫佢同阿嫲拜年，唉！我真唔知我媽媽的惱袋是想什麼的，有仔女又唔好好湊，全部是嫲嫲湊大。浩文隻眼出事，我BB出事，仲文結婚.....又唔緊張，就是11月嫲嫲跌倒入醫院比較關心，都有嚟探病，我和廷都有點安慰。我真不明白她，就算年前做完<小鳥>這個戲也不明白我的媽媽，或是說我明白她但不認同她。
我的妹妹，真不知她方向.....若她偏要生活在他方，有誰能點醒她呢？
最開心是King Sir 的祝福，年初二我打電話同佢拜年，佢問候BB，我真不好意思地說了詳細給他知....但 pause了一會，就是說：「祝你生個鼠仔！」God！我喜歡！我要快啲好返，養好身子，排戲和做BB！年初三，Cece 到我家拜年，打邊爐，其實主要是傾計，呢個朋友不是那些一般朋友。你無事，佢有佢忙，你有你忙。Once佢知你出事，佢就乜時間都有，响你身邊支持你！伍潔茵是雪中送炭的朋友！
年初四，我班APA學生到我家拜年，好開心，好似有班仔女咁......佢哋真係好乖......佢哋食哂全盒的糖果.....我好開心因為我唔洗再食，呢個新年肥咗好多！哈哈哈！其實我知道佢哋好關心我的心情，傾咗一陣，大恩終於問......我亦好light咁答。傷心一定有，但 life must go on！好似 the show must go on，咁就當然係開心過好過傷心過！
我真不可不說班APA學生創意無限，影影吓相，竟然扮<這裡加一點顏色>leaflet照影！仲扮得似過我！
Friday, 08 February 2008
-
我和丈夫祝大家鼠年心想事成！身體健康！萬事勝意！
Saturday, 02 February 2008
-
手術後已一星期了，身體痊癒了，心理也好了些，至少再沒有大哭了，至少可以忍著淚告訴嫲嫲.....
Let it Be 吧！
Chatboard (12)